ЊУЈОРК (АА) - Десетици демонстранти беа приведени синоќа за време на протест против американската Служба за имиграција и царина (ICE) во долниот дел Менхетен, јавува Анадолу.

Демонстрантите се собраа на плоштадот „Фоли“ пред да маршираат до Федералниот плоштад, блокирајќи ги улиците и извикувајќи слогани во кои ги осудуваат политиките на ИЦЕ.

Протестите избувнаа уште во петокот, откако агенти на ИЦЕ извршија рации во локални бизниси и приведоа стотици лица за кои се сомневаат дека живеат нелегално во САД.

Администрацијата на претседателот Доналд Трамп продолжува со овие рации и покрај жестокото противење од страна на локалната заедница.

Критичарите на овие акции велат дека ИЦЕ има на нишан луѓе кои иако се без документи, живеат мирен живот и се важен дел од заедницата и локалната економија, наместо криминалци, за кои Трамп вети дека ќе ги депортира за време на кампањата минатата година, пред повторно да се врати во Белата куќа.